万科抱佛脚 搵方丈帮卖楼

内地楼市进入寒冬，开发商为求散货，惟有奇招百出。小琴听闻内房龙头老大万科邀请归元寺方丈隆印法师为楼盘祈福，并免费送一次超渡喔，果然吸引咗诸多善男信女。之不过，真正出手买楼嘅人并不多。

归元寺是武汉名刹，建于清顺治年间，历史都几久远。不过，呢位隆印法师却颇为现代，紧贴时事。先前，佢开通微博，弘扬佛法。今次又再出山，为岌岌可危嘅内地楼市发功。

家内地买房送家具、送装修、送汽车已经唔再新鲜，楼盘滞销之下，唯有怪招、奇招、辣招，先可以抢到客源。隆印法师喺武汉都几有号召力，万科当地楼盘“汉阳国际”用呢条桥的而确之吸引到好多信众捧场。之不过，大家祈祷紧啲乜嘢呢？会唔会系楼价大降三成，万科亏本销售呢？

售楼现场所见，方丈隆印法师唔单只带领民众企喺礼台上面，烧香礼佛，仲即时为佢哋摸顶祈福。遁入空门的大师出马促销楼盘，内地网友一语中的：“房市不给力，万科抱佛脚”。